Қазақстан заңдары Экономика сабақтары
KZ RU
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 326.17
EUR / KZT - 401.25
CNY / KZT - 51.84
RUB / KZT - 5.31

Головкин Альвареспен реванш өтпей қалған жағдайда не істейтінін айтты

21 Наурыз, 10:14
0
© Тұрар Қазанғапов
© Тұрар Қазанғапов

Геннадий Головкин мексикалық боксшының допинг сынамадан өте алмауына байланысты Сауль "Канело" Альвареспен реваншы өтпей қалған жағдайда не істейтінін айтты, деп хабарлады Vesti.kz.

Альварес жекпе-жекке екі ай қалғанда допинг-тесттен өте алмай қалды. Екі сынамадан кленбутерол табылды. Мексикалықтың командасы оның себебі зарарлы ет жегеннен деп отыр. Одан кейінгі үш допинг-тесттен "Канело" өткен болатын. 

Головкиннің айтуынша, ол допингке қатысты жанжал үшін қатты қамыққан, боксшы реванш өтеді деп үміттеніп отыр. Алайда, жекпе-жек өтпей қалатындай жағдай болса, қазақстандық боксшы өзге бір нұсқаны қарастырмақшы, ол - орта салмақта WBO титулының иегері, ұлыбританиялық Билли Джо Сондерспен жұдырықтасу.

"Канеломен" реванш өтпей қалса, менің келесі қадамым Сондерс болады, себебі мен барлық титулды иеленгім келеді. Мен әлі де, "Канеломен" жекпе-жек өтеді деп үміттенемін. Бұл қазіргі таңдағы бокстағы ең ірі жекпе-жек және мен сол деңгейде тағы да болғым келеді.

Невада штатының атлетикалық комиссиясы "Альварес ісі" бойынша шешім қабылдауы тиіс. Мен үшін бұл жағдай тосын сый болды. "Канело" мен оның командасын біле тұра, олар мұндай тыйым салынған заттарды пайдаланады деп күтпеппін. Олардың мұндай жолмен кеткендерін көру өте жағымсыз. Мен жекпе-жектің зертханалар арасында емес, спортшылардың арасында болғанын қалаймын. Таза жекпе-жек, медицина емес.

Екінші жекпе-жек қызықтырақ болады. Дегенмен, бірінші жекпе-жекте мен жеңдім деп ойлаймын. Мен кейбір артықшылықтарыммен жұмыс істедім. Сондықтан, егер екінші жекпе-жек болатын болса, бүкіл әлем кімнің нағыз жеңімпаз екенін білетін болады", - деді Головкин Daily Mail басылымына берген сұхбатында.

Айта кетейік, 5 мамырға белгіленген Головкин - Альварес арасындағы реванш матч Лас-Вегаста T-Mobile аренасында өтеді.

Головкин мен Альварестің алғашқы жекпе-жегі 2017 жылдың 16 қыркүйегінде Лас-Вегаста өткен болатын. 12 раундқа созылған жекпе-жек тең есеппен аяқталған еді.

Получить короткую ссылку


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай