Головкин мен "Канело" трилогия алдында көз арбасты 25 маусым 2022, 09:15
Қазақстандық Геннадий Головкин (42-1-1, 37 КО) мен мексикалық Сауль "Канело" Альварес (57-2-2, 39 КО) алғаш рет 2018 жылдың қыркүйегінде кездескен еді, - деп хабарлайды Tengrinews.kz тілшісі Vesti.kz сайтына сілтеме жасап.
Боксшылар үшінші жекпе-жекке арналған баспасөз туры аясында Лос-Анджелесте өткен баспасөз конференциясына қатысып, көз арбасты. Оның видеосы Twitter-дегі DAZN парақшасына жүктелді.
LOOK AT THAT STAREDOWN 😮#CaneloGGG3 pic.twitter.com/fA7Ps6Fs9Y
— DAZN Boxing (@DAZNBoxing) June 24, 2022
Боксшылар бір минуттан астам бір-біріне жалтармай қарап тұрды.
Головкин мен "Канелоның" үшінші жекпе-жегі 17 қыркүйекте екінші орта салмақта өтеді. Кездесу Лас-Вегастағы (Невада, АҚШ) T-Mobile Arena-да болады. Алдыңғы екі жекпе-жек те осында өткен. Біріншісі кездесу даулы тең нәтижемен аяқталды, ал екіншіде төрешілердің шешімімен мексикалық жеңіске жетті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
- ПОДЕЛИТЬСЯ