Реклама +7(700) 388 81 09
  1. Басты
  2. Біл
  3. Спорт
  4. Бокс

Головкин Муратаға белбеуін сыйлады. Бұл не білдіреді? 11 сәуір 2022, 12:02

Қазақстандық боксшы Геннадий Головкин таяуда жапон Риота Муратаны жеңіп, IBO мен IBF белбеулеріне WBA титулын қосты. Дегенмен, жекпе-жектен
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек
  • Қате таптыңыз ба?

©twitter.com/maverickstars1 ©twitter.com/maverickstars1

Қазақстандық боксшы Геннадий Головкин таяуда жапон Риота Муратаны жеңіп, IBO мен IBF белбеулеріне WBA титулын қосты. Дегенмен, жекпе-жектен соң Головкин WBA белбеуін Муратаға қайтарып берген. Кей жанкүйер Головкиннің бұл әрекетін түсінбей, "GGG титулдан бас тартты ма" деп сұрап жатыр. Tengrinews.kz тілшісі WBA белбеуіне қатысты жағдайды түсіндіреді.

Жекпе-жектен кейін Головкин Мурата отырған бөлмеге барып, оған WBA белбеуін сыйлады. Бұл белбеуді GGG Муратадан жеңіп алған болатын. 

"Бұл - өмір бойына сенің белбеуің", - деген еді Головкин қарсыласына. 

Посмотреть эту публикацию в Instagram

Публикация от Gennadiy Golovkin | GGG (@gggboxing)

Осы ақпараттан кейін қазақстандық жанкүйерлер "Головкин WBA титулынан бас тартты ма?" деп алаңдап жатыр. Жоқ, WBA титулы Головкинде қала береді. 

Бұл белбеулерді ұйым әр чемпионына арнап жасатады. Әр титулда чемпионның есімі жазылады. Головкин WBA титулын иеленген соң, ұйым оған жаңа белбеу береді. Ал ескісі Муратада қалады. 

Бұл - кәсіпқой бокста қалыптасқан жағдай. Мысалы, былтыр украиналық боксшы Александр Усик ұлыбританиялық Энтони Джошуаны жеңген кезде қарсыласына чемпиондық белбеулерді қайтарып берген. Сол кезде ұйымдар Усиктің есімі жазылған жаңа белбеу дайындаған еді. 

Усик бұл белбеулерді былтыр қыркүйекте иеленгенімен WBA Super белбеуі оған биыл ақпанда берілген еді.

Ал 2014 жылы ресейлік Сергей Ковалев америкалық Бернард Хопкинсті жеңген кезде де солай істеген. Кейін Ковалев мұны түсіндірген еді. 

"Қазір белбеулерім өзімде емес, оны Хопкинске қайтарып беруім керек болды, себебі белбеулер оның меншігі. Белбеулер медаль екенін жақында ғана түсіндім. Мысалы, Олимпиадада төрт жылдан кейін сенің спорт түрінде біреу топ жарса, алтын медаліңді тартып алмайды ғой. Мұнда да солай. Саған есімің жазылған белбеуді береді, ол сенде мәңгіге қалады. Бұл Бернардтың белбеулері еді, енді маған жаңасын жасайды және ол өмір бойына менде болады", - деген еді Ковалев сол кезде "Комсомольская правда" газетіне берген сұхбатында.  

WBA арнайы белбеулер жасауға құмар

Үлкен жекпе-жектер өткен кезде WBA арнайы белбеулер шығарады. Мысалы, 2017 жылы Головкин мексикалық Сауль Альвареспен алғаш рет жұдырықтасқанда WBA арнайы белбеу дайындаған еді. 

Онда екі боксшының да суреті қойылған. Оны WBA президенті Жилберто Мендоса Twitter желісіндегі парақшасында жариялаған болатын.

Жақиянов та арнайы белбеу алған

2017 жылы қазақстандық кәсіпқой боксшы Жанат Жақиянов аса жеңіл салмақта WBA Super белбеуін иеленген. Сол кезде WBA Жақияновтың есімі жазылған белбеу дайындаған еді. 

Фото: instagram.com/zhakiyanov_zhanat

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Подпишись на почтовую рассылку Tengrinews.kz. Получай все самое главное за неделю каждую пятницу на свой адрес.


Join Telegram