27 мамыр 2017 09:00

Қанат Ислам төрешілердің шешімі бойынша жеңіске жетті

ПОДЕЛИТЬСЯ

Қанат Ислам. © vk.com/kanatislamteam Қанат Ислам. © vk.com/kanatislamteam

Қанат Ислам төрешілердің шешімі бойынша жеңіске жетіп, кәсіпқой бокстағы 24-ші жеңісіне қол жеткізді, - деп хабарлайды Vesti.kz тілшісі. Осылайша отандасымыз WBO NABO және WBA Inter-Continental титулдарын жеңіп алды.


Қанат Ислам төрешілердің шешімі бойынша жеңіске жетіп, кәсіпқой бокстағы 24-ші жеңісіне қол жеткізді, - деп хабарлайды Vesti.kz тілшісі. Осылайша отандасымыз WBO NABO және WBA Inter-Continental титулдарын жеңіп алды.

АҚШ-тың Бока Ратон қаласында өткен жекпе-жектің бірінші раундында отандасымыз басымдығын көрсеткен. Алайда Гонсалес қарымта соққы жасай бастады. Тіпті денесіне жасаған соққылары дарып жатты. Бірақ Қанат Ислам сенімді жұдырықтасты. 

Ал төртінші раундта Қанат Ислам бірнеше соққысын дарытып, мексикалықты әлсіретіп тастады. Қарсыласы қазақстандықтың үдеткен соққысына әлсіз жауап қана қайтарып жүрді. 

Бесінші раундта Гонсалестің қабағы жарылып, жағдайы нашарлап кетті. Ал осыдан кейін қазақстандық боксшы 12 раундтың қорытындысы бойынша жеңімпаз деп танылды.

Айта кетейік, Қанат Ислам 24 жекпе-жекте 24-ші жеңісіне қол жеткізді, оның 19-ы мерзімінен бұрын аяқталған. Ал Норберто Гонсалес кәсіпқой бокста 9-шы рет жеңіліс тауып отыр. Оның активінде 23 жеңіс бар, оның 13-і уақытынан бұрын аяқталған.

Гонсалес Исламнан төрт жасқа үлкен, ол кәсіпқой боксқа да бес жыл бұрын келген: Қанат Ислам 2012 жылдың қыркүйегінде кәсіпқой боксқа келсе, Гонсалес 2007 жылдан бері жұдырықтасып жүр.

Ал кейін Қанат Ислам қарсыласын неге нокаутқа түсіруге асықпағанын айтып, видео жариялады:

Ал осының алдында қазақстандық тағы бір боксшы Жанқош Тұраров мексикалық қарсыласы Густаво Гарибайды үшінші раундта екі рет нокдаунға түсіргеннен кейін нокаутпен жеңген еді. Осылайша қазақстандық боксшы 21-ші жеңісіне қол жеткізді, оның 15-і уақытынан бұрын аяқталды. Гарибай өз кезегінде мансап жолында 9-шы рет жеңіліс тауып отыр. Оның активінде 13 жеңіс және 2 тең жекпе-жек бар. 

Как вам дизайн сайта Tengri News?
Пройти опрос
Читайте также
Join Telegram

Валюта бағамы

 451.08   483   4.85 

 

Ауа райы

 

Редакция Жарнама
Социальные сети