2019 жылғы үздік деген фильмдердің рейтингі жасалды

29 Желтоқсан 2018, 08:40
0

Британдық The Guardian газеті 2019 жылғы үздік деген 50 фильмді таңдады.

Бірінші орында Майкл Уинтерботтомның "Жадность" комедиясы тұр, онда өзінің 60 жылдығын Грекияда атап өткен миллиардердің рөлінде Стив Куган ойнайды. Сонымен қатар, кинокартинаға Айла Фишер, Эйса Баттерфилд, Ширли Хендерсон және Дэвид Митчелл түскен. Фильмдегі Topshop брендінің иесі Филипп Гринмен кез келген ұқсастық кездейсоқтық екені ескертілді. 


Стив Куган "Жадность" фильмінде

Рейтингте екінші орынды "Аммонит" драмасы иеленді. Фильмді "Божья земля" картинасымен танылған Френсис Ли түсірген. Режиссердің жаңа кинолентасында екі әйелдің махаббат оқиғасы баяндалады. Онда Кейт Уинслет пен Сирша Ронан ойнайды. Қызықты хикая Ұлыбританияда 1840 жылдары өрбиді. 

Үздік үштікті Кен Лоучтің Sorry We Missed You жұмысы аяқтады. Кинотуынды 2008 жылғы қаржы дағдарысынан кейін өз отбасын асырауға тырысатын фургон жүргізушісі туралы болмақ. 

Төртінші орынға Квентин Тарантиноның "Однажды в Голливуде" фильмі жайғасты. Онда Брэд Питт, Марго Робби, Аль Пачино, Леонардо Ди Каприо, Курт Рассел және Дакота Фаннинг түскен. Бесінші орынды тай режиссері Апичатпонг Вирасетакулдың "Память" картинасы иеленді. Онда басты рөлді Тильда Суинтон сомдайды. 


Брэд Питт пен Леонардо Ди Каприо "Однажды в Голливуде" фильмінде

Сондай-ақ, 2019 жылы күтілетін үздік он фильм қатарында Джордан Пилдің "Мы", Грета Гервигтің "Маленькие женщины", Мартин Скорсезенің "Ирландец", Джоанна Хоггтің "Сувенир", сондай-ақ аты әлі мәлім емес Роджер Эйлстің туындысы бар.


Роберт Де Ниро "Ирландец" фильмінде

14 желтоқсанда The Hollywood Reporter журналы 2018 жылдың үздік он фильмін таңдаған. Рейтингте бірінші орынға Адам Маккейдің "Власть" фильмі ие болды. Онда Кристиан Бэйл Дик Чейнидің рөлінде ойнайды. 

Получить короткую ссылку


Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай