09 қазан 2018 14:59

"Мұзбалақ" анимациялық фильмі прокатқа шығады

ПОДЕЛИТЬСЯ

2018 жылдың 18 қазанынан бастап отандық прокатқа ҚР Мәдениет және спорт министрлігінің тапсырысы бойынша "Қазақфильм" киностудиясы өндірген адам мен бүркіттің достығы туралы баяндайтын толықметрлі анимациялық "Мұзбалақ" фильм шығады, - деп хабарлайды Тengrinews.kz тілшісі киностудияның баспасөз қызметіне сілтеме жасап.


2018 жылдың 18 қазанынан бастап отандық прокатқа ҚР Мәдениет және спорт министрлігінің тапсырысы бойынша "Қазақфильм" киностудиясы өндірген адам мен бүркіттің достығы туралы баяндайтын толықметрлі анимациялық "Мұзбалақ" фильм шығады, - деп хабарлайды Тengrinews.kz тілшісі киностудияның баспасөз қызметіне сілтеме жасап.

Фильмнің режиссерлері - Тұрдыбек Майдан мен Тілек Төлеуғазы.

Мультипликациялық фильмге адам баласының бүркітті қолға үйретуі арқау болған. Оқиға желісі бойынша адам мен құс бір-біріне сенім білдіре отырып, бауыр басады. Ерте заманда адамдар кесірінен жер астындағы айдаһарға айналап келе жатқан абжылан оянып, жер бетіне шығып, маңайын жалмап, қазақ ауылына үлкен апат әкеліп, үрей туғызады. Ол ауылды отқа орап, қарсы келгенді жалмап келе жатқанда, бір қыран бүркіт балапанын қорғап, онымен айқасады. Ақыры абжылан қайта жер астына қашып жоқ болады. Ал қыран отқа оранған ұядан балапанын алып, алысқа ұшып кетеді. Адам жұтып дәніккен абжылан күн тұтылып, өзінің айдаһарға айналар сәтін асыға күтеді.

Сонымен қатар, фильмде қазақтың саятшылық дәстүрі де суреттеледі. 

 
"Қазақтар бес жасар бүркітті Мұзбалақ деп атайды. Бұл фильммен авторлар бүркіттер және олармен аңға шығу салтын көрсетуді көздеген. Фильм қазақ тілінде жасалып, орыс тіліне дубляждалған. Кинотеатрларға фильм екі тілде шығатын болады", - деді "Қазақфильмнің" баспасөз қызметінің жетекшісі Айнұр Исаева.

Екі жыл көлемінде жасалған бұл фильмде 40-қа жуық кинематографияның осы жанрында еңбек етіп жүрген отандық мамандар істеген.  Ұзақтығы 65 минут құрайтын мультфильм 2D және 3D форматында жасалған және әр секундында 24-25 кадр сурет салынған. Кейіпкерлерді дыбыстауға Ержан Жарылқасынұлы, Жанат Тыныбаев, Самат Қордабай, Төлебаев Ерғали Дүйсенұлы, Алма Әділқызы есімді театр және кино актерлері қатысқан.

Читайте также
Join Telegram
Тоқаев Қытайға барады

Валюта бағамы

 448.12   483   4.85 

 

Ауа райы

 

Редакция Жарнама
Социальные сети