Ақтөбе облысында бір ер адам қызын балталап тастады

15 Желтоқсан 2014, 17:10
0
Ақтөбе облысында бір ер адам қызын балталап тастады - ©rusknife.com
©rusknife.com

Ақтөбе облысында бір ер адам 11 жастағы қызын балталап тастады да, кейін өзін-өзі өлтірді, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап.

Полицияның мәліметінше, 38 жастағы ер адам жұмыстан кейін 18 жастағы ұлын моншаға жібереді, өзі әйелімен жанжалдасып қалады. Айқай кезінде ол қолына балта алып, әйеліне ұмтылады, бірақ 11 жастағы қызы араша түседі. Балта қыздың ұйқы күретамырына тиіп, жасөспірім сол жерде қайтыс болады. Ер адам бұдан кейін де басылмай, балтамен әйелінің басынан бірнеше рет ұрған. 

Өз қызын өлтіріп алған соң ер адам бесқабатты үйдің шатырынан секіріп кетеді. Әйелі аман қалды, ол қазір Хромтаудағы ауруханада жатыр, жағдайы ауыр. Жәбірленушіге нейрохирургиялық күрделі операция жасалды. 

Ақтөбе облыстық ішкі істер департаменті баспасөз қызметінің хабарлауынша, бұл оқиға бойынша қылмыстық іс қозғалып, бірнеше сараптама тағайындалды. Тергеу жүріп жатыр. Полицейлер ер адамның қылмыс жасаған кезде мас болғанын анықтады. 


 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай