Алматыда көлік ұрлауға қатысты деректің толық видеосы шықты, - деп хабарлайды Tengrinews.kz тілшісі POLICE_of_KZ телеграм-арнасына сілтеме жасап.
ІІМ мәліметінше, күдікті жол-көлік оқиғасы болған жерден жасырынғысы келген. Көлік иесі ер адамның іс-әрекетін видеоға түсірген.
"Қаскүнем жауапкершіліктен жалтаруға тырысып, жол бойында басқа азаматтың көлігіне отырып, тоқтама деп, оны кеңсе пышағымен қорқытқан. Бұл уақытта полиция қызметкерлері де келіп жетіп, ер адамды ұстады. Ұстау кезінде ол өзін-өзі жарақаттаған. Қазір ер адам медициналық мекемеде. Күзет қойылды", - делінген хабарламада.
ҚР ҚК-нің 200-бабы "Ұрлау мақсатынсыз автокөлікті немесе өзге де көлік құралын заңсыз иемдену" бойынша қылмыстық іс қозғалды. Сараптама тағайындалған. Оқиғаның мән-жайы анықталып жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
