Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.68
EUR / KZT - 389.40
CNY / KZT - 49.85
RUB / KZT - 5.60

Астанада 24 жастағы жігітті ұрып-соқты делінген кәсіпкер екі айға қамауға алынды

25 Сәуір 2015, 21:07
0
@Berdsk-online.ru
@Berdsk-online.ru

Астанада 24 жастағы жігітті ұрып-соқты делінген кәсіпкер екі айға қамауға алынды, - деп хабарлайды Тengrinews.kz тілшісі. 

24 сәуірде Астана тұрғыны Нұрлан Жұмағұлов әлеуметтік желіге өзінің ұлы Әлібидің аяусыз ұрып соғылғаны, бұл іске кәсіпкер Қайрат Жамалиевтің қатысы болуы мүмкін екені туралы ақпарат жариялады. Оның айтуынша, 21 сәуірде ұлы Әліби Жұмағұлов үйден жарты сағатқа жұмыстарымен шығып кеткен. Түнгі уақытта Әлібидің досы қоңырау шалып, жас жігіттің ауыр жағдайда ауруханада жатқанын хабарлаған.

Астана қалалық ІІД азамат Жұмағұловтың арызы бойынша қылмыстық іс қозғап, тергеу амалдарын жүргізуді бастады. Ведомствоның баспасөз қызметі қылмыстық іске қатысы болуы мүмкін делінген азамат Жамалиевтің тұтқындалып, оның уақытша тергеу изоляторында отырғанын хабарлады.

Еске сала кетейік, Tengrinews.kz тілшісі сот залынан қылмыстық іске қатысы бар делінген күдікті Жамалиевке судья Айбек Әмірғалиевтің тергеу амалдары толық аяқталғанша екі ай мерзімде қамауда ұстау туралы шешім қабылдағанын хабарлады. "Сот істі тергеу барысында айыпталушы Жамалиевтің соттан жасырынуы мүмкін екенін ескеріп, оны екі ай мерзімде қамауда ұстау санкциясын қабылдады", - деді судья Айбек Әмірғалиев соттың шығарған қаулысын хабарлай отырып.

Сонымен қатар, айыпталушының қорғаушысы өз тарапынан Жамалиевтің кәмелеттік жасқа толмаған бес баласы мен қарт анасы барын, әйелінің жұмыссыздығын, одан басқа отбасы асыраушысы жоғын ескертіп, соттан айыпталушыны тергеу амалдары аяқталғанша үй қамақта ұстау шешімін шығаруын сұрады. Дегенмен, судья қорғаушы тарапынан түскен петицияның қабылданбайтындығын хабарлады.

Астана прокуратурасының баспасөз қызметінің хабарлауынша, 25 сәуірде қылмыстық іске қатысы болуы мүмкін делінген айыпталушы Жамалиевтің жүргізушісі А. Прибытков тұтқындалды. Сонымен қатар, ведомство істі тергеу амалдарының Бас прокурор мен Ішкі істер министрінің жеке бақылауында жүргізілетінін хабарлады.

Айта кетейік, қазір аталған деректер бойынша тергеу амалдары жүргізіліп жатыр. Қылмыстық іске қатысы бар делінген тағы бір азамат іздестірілу үстінде. Сонымен қатар, әлеуметтік желі қолданушылары қылмыстық іс бойынша айыпталып отырған Жамалиевтің иелігіндегі барлық орындарға "байкот" жариялау мәселесін көтеріп жатыр.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай