Астанада 35 жастағы әйелді қағып кеткен "Күзет" полкінің қызметкері қамауға алынды, - деп хабарлайды Tengrinews.kz тілшісі елордалық ІІД баспасөз қызметіне сілтеме жасап.
"7 тамыз күні кешке №2 Алматы аудандық соты ІІД тергеу басқармасының өтінішімен ер адамды қамауға алу туралы шешім шығарды", - деп хабарлады Астана ІІД баспасөз хатшысы Софья Қылышбекова.
Еске сала кетейік, қайғылы оқиға 5 шілдеде сағат 19.00 шамасында Қошқарбаев көшесінің бойында болды. "Күзет" полкінің қызметкері Daewoo Nexia автокөлігімен рұқсат етілген жерде, яғни жаяу жүргінші жолында өтіп бара жатқан әйелді қақты. Ол оқиға орнында қаза тапты. Жүргізуші ұсталды, уақытша ұстау изоляторына қамалды.
