Жамбыл облысында бір тоннадан астам марихуана тәркіленді

02 Қазан 2014, 10:22
0
Жамбыл облысында бір тоннадан астам марихуана тәркіленді - Фото anomalia.kulichki.ru сайтынан алынды
Фото anomalia.kulichki.ru сайтынан алынды

Полицейлер Жамбыл облысының тұрғынынан бір тоннадан астам марихуананы тәркіледі, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап. 

"Жамбыл облыстық ІІД Есірткі бизнесімен күрес басқармасының қызметкерлері "Көкнәр" жедел-алдын алу іс-шарасын жүргізу барысында Шу ауданы Тасөткел ауылының аумағында ("Городок" учаскесінде) 1965 жылы туылған Жуалы ауданы, Бауыржан Момышұлы ауылының тұрғынын ұстады. Қолға түскен азаматтан салмағы 1 тонна 93 келі тартатын марихуана тәркіленді", - делінген полицияның таратқан хабарламасында. 

Ұсталған азамат өз әрекетін мойындап, түсінік берген. Ол қазір уақытша ұстау изоляторына қамалды. Жамбыл облысының тұрғынына марихуананы заңсыз сақтағаны үшін қылмыстық іс қозғалды.  

Айта кетейік, Жамбыл облысында осы жылдың шілде айында осыған ұқсас жағдай болған еді. Ол кезде жергілікті тұрғыннан салмағы 1 тонна 201 келі тартатын марихуана мен жабайы өсетін қарасораның іздері қалған орақ тәркіленген. Тергеу барысында Жамбыл облысының тұрғыны марихуананы өткізу мақсатында емес, жеке мақсатына пайдалану үшін жинағанын мойындаған. Оған қатысты да "Есірткі затын заңсыз сақтау" бабы бойынша қылмыстық іс қозғалды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай