Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.08
EUR / KZT - 391.50
CNY / KZT - 50.00
RUB / KZT - 5.64

Қызылорда облысында кісі өлімі туралы жалған ақпарат таратқан арандатушы ұсталды

06 Мамыр 2016, 11:33
0
© Tengrinews.kz
© Tengrinews.kz

Қызылорда облысында кісі өлімі туралы жалған ақпарат таратқан арандатушы ұсталды, - деп хабарлайды Tengrinews.kz тілшісі Қызылорда ОІІД баспасөз қызметіне сілтеме жасап. Ол өз кінәсін мойындап отыр. 

"Биыл 1 мамырында әлеуметтік желілерде Қызылорда қаласындағы наразылық акциясында қайтыс болды делінген қан жоса болған ер адамның мәйітінің фотосуреті тарап кетті. Қызылорда облысы ішкі істер департаменті аталған ақпарат шындыққа сай келмейтінін, жалған әрі арандатушылық сипатқа ие екендігін анықтады. Сонымен қатар, бұл фотосурет өзге мемлекетте болған оқиғаны бейнелейді әрі Қазақстан Республикасына ешқандай да қатысы жоқ. Аталмыш дерек бойынша Қазақстан Республикасының Қылмыстық кодексінің 274-бабының 2-бөлігінің 3-тармағы бойынша ("Көрінеу жалған ақпарат тарату") сотқа дейінгі тергеп-тексеру жұмыстары басталған болатын", - деп еске салды полициядағылар. 

Тәртіп сақшыларының айтуынша, жедел-іздестіру жұмыстары барысында аталған ақпаратты Алматы қаласының М.Жақауов есімді тұрғыны таратқаны анықталып, азамат ішкі істер департаментіне жеткізіліп, одан күдікті ретінде жауап алынған. Жауап алу барысында күдікті азамат өз кінәсін мойындаған.

"Сол күні-ақ күдікті азамат Қазақстан Республикасының Қылмыстық-процессуалдық кодексінің 128-бабына сәйкес Қызылорда ҚІІБ уақытша ұстау изоляторына қамаққа алынды. Сотқа дейінгі тергеп-тексеру жұмыстары жалғасып жатыр", - делінген хабарламада. 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай