Нұр-Сұлтанда интим қызмет көрсеткен боди-массаж салондары әшкере болды, - деп хабарлайды Tengrinews.kz тілшісі қалалық полиция департаментіне сілтеме жасап.
"Нұр-сұлтан қаласы полиция департаментінің қызметкерлері интим қызметін, сондай-ақ дене массажы қызметін көрсеткендерді анықтау бойынша рейдтік іс-шаралар өткізді.
Жұмыс барысында екі коттеджде массаж салондары анықталды, онда массаж бен интим қызметтер көрсетілді. 14 қыз бен бір салон әкімшісі ұсталып, полицияға жеткізілді", - делінген құқық қорғау органдарының хабарламасында.
Полицияның мәліметінше, ұсталғандардың барлығы Қазақстанның басқа өңірлерінен жұмысқа келгендер болып шықты. Барлығы Әкімшілік құқық бұзушылық туралы кодекстің 425-бабы бойынша әкімшілік жауапкершілікке тартылды.
Салондардың заңсыз қызметі тоқтатылды деді полициядағылар.
Қазақстан жаңалықтары. Соңғы жаңалықтар. Telegram желісінде бізге жазыл!