+7 (777) 001 44 99
ПОДЕЛИТЬСЯ
Полицейдің бетіне зәр шашқан жүргізуші қылмыстық кодекстің 6 бабы бойынша сот алдында жауап береді, - деп хабарлайды Tengrinews.kz тілшісі Жезқазған қалалық сотына сілтеме жасап.
Полицейдің бетіне зәр шашқан жүргізуші қылмыстық кодекстің 6 бабы бойынша сот алдында жауап береді, - деп хабарлайды Tengrinews.kz тілшісі Жезқазған қалалық сотына сілтеме жасап.
"Қылмыстық іс сот төрағасы Марат Көкішевтің қарауына түсті. Процесс әлі тағайындалмады, себебі сотталушының адвокаты Елубаевтың (сотталушы - Авт.) ауырып жатқаныны айтты. Ол қылмыстық кодекстің алты бабы бойынша сот алдына келеді. Олар: "Бұзақылық" бабының 1-бөлігі, "Билік өкіліне бағынбау" бабының 1-бөлігі, "Билік өкiлiн қорлау" бабының 1-бөлігі, "Билік өкiлiне қатысты күш қолдану" бабының 1-бөлігі, "Бұзақылық" бабының 2-бөлігінің 2-тармағы", - деп хабарлады соттың кеңсесіндегілер.
Сотталушы Қайрат Елубаев өз кінәсінің жоқтығын айтып отыр. Ол полицейге зәр шашпағанын мәлімдеді. "Қажет болса мен биологиялық сараптамадан өте аламын", - деп мәлімдеді Елубаев. Қазір ол бостандықта. Ол кепілақымен босатылған еді.
Экс-полицей Төлеген Игібеков соттасып, жұмысқа қайта тұруға және шартты түрдегі жаза мерзімінен құтылуға тырысатынын хабарлады. "Мен кассациялық шағым дайындадым, таяуда сотқа жолдаймын. Жұмысыма оралғым келеді, мен қызметтік міндетімді атқардым ғой. Елубаевқа келсек, онда менің ісім жоқ. Оны сот жазаласын", - деп мәлімдеді Игібеков. Ол әзірше жұмысқа тұрмағанын айтты. Айтуынша, шартты мерзімдегі жазасы бар адамға жұмыс табу қиын.
Еске салайық, қалалық жол-патрульдік полициясының қызметкері мас жүргізушіні шапалақпен ұрғаны үшін сотталған болатын. Жүргізуші қанында табылған алкогольді көрсеткен куәландыру қорытындыларымен келіспей, зәрін сержантқа шашып жіберген. Осы кезде сержант оны шапалақпен ұрған. Кейін полицей бес жылға шартты түрде сотталған еді. Ішкі істер министрі Қалмұхамет Қасымов бетіне зәр шашылғаннан кейін жүргізушіні шапалақпен ұрғаны үшін бес жылға сотталып кеткен жезқазғандық полицейдің ісі бойынша Жоғарғы сотқа хат жазғанын айтқан болатын.
