Қарағанды облысында ІІД Әкімшілік полициясы басқармасының басшысының орынбасары өңірлік жол-полициясының жұмысына жауапты Ерғабыл Жүкенов жеке құрамнан алым-салық алды деген күдікпен ұсталды, - деп хабарлайды "Интерфакс-Қазақстан".
Қарағанды облыстық прокуратура өкілдері полиция подполковнигінің тарапынан ақшалай алым-салық алуы туралы арызды жол-патрульдік полиция бөлімшелерінің инспекторлары жазғанын хабарлады.
Ұжымдық арыз мемлекеттік қызмет және сыбайлас жемқорлыққа қарсы іс-қимыл агенттігінің облыстық департаментіне келіп түскен.
"Соталды өндіріс қозғалды, әкімшілік полициясы басқармасының басшысының орынбасары уақытша ұстау изоляторына қамалды", - деп хабарлады прокуратурадағылар.