+7 (777) 001 44 99
ПОДЕЛИТЬСЯ
Шымкентте тоғыз тұрғынның сеніміне кіріп, ақшасын жымқырып жүрген алаяқ ұсталды, – деп хабарлайды Polisia.kz.
Шымкентте тоғыз тұрғынның сеніміне кіріп, ақшасын жымқырып жүрген алаяқ ұсталды, – деп хабарлайды Polisia.kz.
Дереккөз мәліметінше, 25 мамырда Әл-Фараби ауданының Полиция басқармасына жергілікті тұрғын арызданған. Өз арызында ол осы күні үйіне бейтаныс әйел алдау және сенімге қиянат жасау арқылы келіп, оның ауыр сырқат екенін және оны емдей алатыны туралы жалған ақпарат беріп, жәбірленушіге жалпы сомасы 2100.000 теңге шығын келтіріп, алтын бұйымдары мен ақшалай қаржысын иемденіп кеткен.
Дерек ҚР Қылмыстық кодексінің 190-бабының 1-бөлігі бойынша (алаяқтық, яғни бөтеннің мүлкін жымқыру немесе алдау немесе сенімді теріс пайдалану жолымен бөтен мүлiкке құқықты иемдену) тіркелген. Жүргізілген жедел-іздестіру қорытындысына сай қылмыстық құқықбұзушылықты жасады деген күдікпен 25 жастағы ер адам ұсталған.
"Жедел-тергеу іс-шаралары барысында күдіктінің тағы да сегіз ұқсас қылмыстық құқық бұзушылыққа қатысы бар екені анықталды. Қаскүнем өз құрбандарын негізінен Арбат, Орталық саябақ, "Қиял әлемі" саябағы және тағы басқа адамдар көп шоғырланатын орындардан тапқан. Жәбірленушілерге келтірілген жалпы шығын 6 000 000 теңгеден асады. Осыған байланысты 8 маусымда күдіктінің әрекеттері ҚР Қылмыстық кодексінің 190-бабының 3-бөлігі бойынша сараланды", - делінген хабарламада.
Қазақстан жаңалықтары. Соңғы жаңалықтар. Telegram желісінде бізге жазыл!
