Ақтөбе облысында 19 жастағы студент қыз жұмбақ жағдайда қайтыс болды

26 Сәуір, 09:26
0
Ақтөбе облысында 19 жастағы студент қыз жұмбақ жағдайда қайтыс болды - Видеодан алынған кадр. © "Еуразия бірінші арнасы"
Видеодан алынған кадр. © "Еуразия бірінші арнасы"

Ақтөбе облысында 19 жастағы студент қыз жұмбақ жағдайда қайтыс болды, - деп хабарлайды "Еуразия бірінші арнасы".

Телеарнаның мәліметінше, қыздың денесі Бадамша ауылындағы бір үйдің моншасынан табылған. Марқұмның туыстары болса, қызымыз ол үйге бармақ түгілі, тіпті жақын араласқан көршілері еместігін айтады. Сараптама кеудесінен тізесіне дейін дымы қалмай күйіп қалған қызды "иістен уланды" деп қорытынды шығарған. Алайда марқұмның жақындары мұнымен келіспейді. 

Жұлдыз 19 жаста болған. Отбасындағы үш баланың кенжесі әрі жалғыз қыз. Ауылындағы колледжде аспаз мамандығына оқыған. Телеарнадағылардың мәліметінше, сырқаттанып жүрген анасына қолқабыс болсын деп, сондағы дәмханада жұмыс істеген.

"Мен келіспеймін, ол деген өлім. Мен ешқандай қызымды қия алмаймын. Ол өзінен өзі барып біреудің моншасын жаға алмайды. Біріншіден, арақ ішпейді, темекі тартпайды, ол қалай біреудің моншасына баратынын айта алмаймын. Маған хабарласқанда "жүрегі тоқтап" қалды деді. (...) Енді мына қағазда "угарным газом" деді", - дейді марқұмның анасы Кенже Төлешова.

"Жазбаша арызды біз қабылдадық, тиісті тәртіппен тіркеледі. Сосын заңда бекітілген мерзімде арыз қаралып, қылмыстық іс міндетті түрде зерттеледі", - деді облыстық прокуратура тергеу басқармасының басшысы Тимур Қыдыралин.

Жұлдыздың жақындары оның ақжарқын, пысық, оғаш қылығы жоқ, ерке болғанын айтады. Колледжді аяқтап, дипломын алуына да небәрі санаулы уақыт қалған екен. Марқұмның жақындары бойжеткен иістен уланып өлді дегенге мүлдем сенбейді. Сот-медициналық сараптамасының қорытындысына да күмәнмен қарап отыр. Сондықтан мәйітке эксгумация жасауға арызданып қойған.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай