"Алматы- Астана" бағытында жүретін № 701 пойызда жолаушылар жанжал шығарды, - деп хабарлайды Tengrinews.kz тілшісі "Қазақстан темір жолы" ҰК" АҚ басқарма төрағасының кеңесшісі Руслан Иманқұловқа сілтеме жасап.
Оқиға 4 қазанда болған, алайда бұл туралы тек таяуда ғана белгілі болды. Оқиғаның видеосы Instagram желісіндегі zhaloby_astana паблигінде жарияланды. № 701 "Алматы-Астана" пойызындағы № 20 вагонның 5-ші купесіндегі жолаушылар бейәдеп қылыққа барып, қоғамдық тәртіпті бұзды.
"Жолаушылар бара жатқан жігіттер спирттік ішімдік ішіп, жолсеріктердің ескертуін елемеген. Купенің ішін тас-талқанын шығарғандарды тізбектегі ішкі істер бөлімінің қызметкерлері қамауға алды. "Жолаушылар тасымалы" АҚ мүлкіне келтірілген залал мөлшері есептеліп жатыр және айыпталушыларға төлеуге жіберіледі", - деді Руслан Иманқұлов.
Ескерту! Видеода бейәдеп сөздер айтылады.
