Алматы облысында жантүршігерлік жол апаты болып, сегіз адам қаза тапты. Қаза тапқандардың ішінде бала бар, - деп хабарлайды Tengrinews.kz тілшісі. Бұл мәліметті Алматы облыстық ІІД баспасөз қызметі растады.
Жол апаты 20 тамызда таңғы уақытта Алматы-Екатеринбург тасжолының 385-шақырымында болған. BMW мен Opel Vectra көліктері соғысқан. Нәтижесінде бірі толықтай өртеніп кеткен.
"Жол апатынан келіншек аман қалды, ол түрлі жарақаттармен жақын маңдағы ауруханаға жеткізілді. ҚР Қылмыстық кодексінің 345-бабының 4-бөлігі бойынша сотқа дейінгі тергеу басталды. Қажетті сараптамалар тағайындалды", - деп хабарлады Алматы облыстық ІІД ресми өкілі Көбейхан Нұрахмет.
