Алматыда Алғабас ықшамауданы су астында қалды

30 Сәуір 2016, 09:39
0
Алматыда Алғабас ықшамауданы су астында қалды - © ҚР ІІМ ТЖК
© ҚР ІІМ ТЖК

Алматыда Қарғалы өзені арнасынан шығып, қаладағы ықшамаудандардың бірі су астында қалды, - деп хабарлайды Tengrinews.kz тілшісі Қазақстанның ІІМ Төтенше жағдайлар жөніндегі Комитетінің ресми өкілі Руслан Иманқұловқа сілтеме жасап.

"29 сәуір күні кешкісін Қарғалы өзенінің деңгейінің көтерілуі салдарынан Алатау ауданын (Алғабас ықшамауданы, Бейбітшілік көшесі) су басып қалды. Салдарынан 14 үй су астында қалды", - деді Иманқұлов. Оның айтуынша, қазір оқиға орнында Алматы ТЖД өрт сөндіру және авариялық құтқару қызметінің, "109- Құтқару қызметі", Алатау аудандық ТЖБ, "Алматы Тазалықтың" жеке құрамы жұмыс істеп жатыр.

Төтенше жағдайдың салдарын жоюға 70 адам мен 17 техника жұмылдырылды. Құтқарушылар Қарғалы өзенінің жағасы мен үйлердің айналасына құм салынған қаптарды төсеп жатыр. Оқиға орнына 45 тонна сусымалы материалдар жеткізілді.

Tengrinews.kz оқырмандары су басып қалған үйлер түсірілген суреттер жолдап жатыр. Айта кетейік, өзеннің арнасынан шығуынан Жетісу ауданындағы үйлер де зардап шекті.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай