+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматыдағы әл-Фараби даңғылы мен Сейфуллин көшесінің қиылысында жаяу жүргіншіні қағып өлтірген 19 жастағы жүргізуші ауруханада жатыр, - деп хабарлайды Tengrinews.kz тілшісі.
Алматыдағы әл-Фараби даңғылы мен Сейфуллин көшесінің қиылысында жаяу жүргіншіні қағып өлтірген 19 жастағы жүргізуші ауруханада жатыр, - деп хабарлайды Tengrinews.kz тілшісі.
"Жол-көлік оқиғасынан жүргізуші де жарақат алды. Қазіргі уақытта ол ауруханада жатыр. Оған қатысты бұлтартпау шарасы кейінірек таңдалады", - деп хабарлады Алматы қалалық ІІД өкілдері.
Сондай-ақ, полиция өкілдері жол апаты дерегі бойынша ҚР Қылмыстық кодексінің 345-бабының 3-бөлігі бойынша ("Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы") және 347-бабы бойынша ("Жол-көлiк оқиғасы болған жерден кетіп қалу") сотқа дейінгі тергеудің жалғасып жатқанын айтып өтті.
Еске сала кетейік, жантүршігерлік жол-көлік оқиғасы 30 шілдеде түнгі сағат 02.20-да әл-Фараби даңғылында болды. 1998 жылғы жігіт Mercedes S-класс көлігімен жаяу жүргіншіні қағып кеткен еді. Салдарынан ер адам алған жарақаттарынан оқиға орнында көз жұмды.
Patrul.kz мәліметінше, жүргізуші сол кезде оқиға орнынан жасырынған. Бірақ біраз уақыттан кейін ол ұсталды. Айта кетейік, қаза болған ер адамның артында екі баласы мен әйелі қалды. Ағасының айтуынша, жүргізушінің туыстары оның отбасынан кешірім сұрады.
