Елордада салынып жатқан тұрғын үй кешенінің аумағында өрт болды, - деп хабарлайды Tengrinews.kz тілшісі Астана қалалық Төтенше жағдайлар департаментіне сілтеме жасап. Айта кетейік, өрт арнайы қызметкерлер келгенге дейін сөндірілген.
"Сағат 14.52-де Хусейн бен Талал - Орынбор көшелерінің қиылысында өрт шыққаны туралы хабарлама келіп түскен. Сағат 14.59-да салынып жатқан "Арнау" тұрғын үй кешенінде жылыту құралының жанып кеткені анықталды. Өрт арнайы қызметкерлер келгенше сөндірілген. Өрттің аумағы бес шаршы метрді қамтыды", - деді Астана қалалық Төтенше жағдайлар департаментінің өкілдері.
Еске сала кетейік, осыған дейін Астанадағы "Әбу-Даби Плаза" ғимаратында да өрт болған еді.
