Астанада ішінде адамы бар лифт түсіп кетті, - деп хабарлайды Tengrinews.kz тілшісі куәгерлерге сілтеме жасап.
Куәгерлердің мәліметінше, төтенше жағдай "Эдем Палас-1" тұрғын үй кешенінде болған, бұл үй бір апта бұрын осындай жағдай болған үйдің маңында орналасқан.
"Мен апат болған осы лифттің ішінде едім. Құлады деуге келмейді. 17-қабатта лифтке кірдім, жүріп кеткенде, металлдың сүрілген дыбысы шықты. 15-қабаттан 9-қабатқа дейін құлап кеткендей жылдам түсті", - деді үйдің тұрғыны Анастасия Гараськова.
"9-қабатта дереу тоқтап, кабина үш рет сілкінді. Сосын қайтадан тоғызыншы қабаттан тоқтап, бір минуттай тұрды да, 5-қабатқа дейін жүрді, сөйтіп есік ашылды. Әзірше полицияға арыз жазған жоқпын, қазір полицейлерді күтіп тұрмын", - деді зардап шеккен әйел.
Еске салайық, 13 сәуірде "Эдем Палас-2" тұрғын үй кешенінде ішінде 7 адамы болған лифт құлап кеткен еді. Абырой болғанда, сол жағдайдан ешкім зардап шеккен жоқ, кейін елордалық ІІД-нің баспасөз қызметіндегілер осы дерек бойынша сотқа дейінгі тергеудің басталғанын хабарлаған.
