1. Басты
  2. Біл
  3. Оқиға
  4. Тосын жай

Жоғалған ағайындылардың денесі Павлодар облысынан табылды 27 қазан 2021, 09:03

Павлодар облысында бірнеше апта бұрын жоғалып кеткен ағайындылардың денесі табылды, - деп хабарлайды Tengrinews.kz тілшісі.
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек
  • Қате таптыңыз ба?

© instagram/tipavlo © instagram/tipavlo

Павлодар облысында бірнеше апта бұрын жоғалып кеткен ағайындылардың денесі табылды, - деп хабарлайды Tengrinews.kz тілшісі.

5 қазанда Қабиден мен Бақытбек Елубаевтар Ақжол ауылының маңындағы шаруа қожалығының жайылымынан кеткен. Бірнеше күннен кейін олардың әпкесі жоғалып кеткендері туралы айтып, полицияға жүгінген. Іздеуге жергілікті еріктілер белсенді қосылған.

Павлодар облысы полиция департаментінің баспасөз қызметі Екібастұз тұрғыны ағаларының жоғалғаны туралы полицияға хабарлағанын мәлімдеді. Ол 19 қазанда өтініш берген.

Полиция 5 қазанда сағат 17.00 шамасында ағайындылар шаруа қожалықтарының бірінің жайылымынан кетіп қалғанын және оларды ешкім көрмегенін анықтады. Жоғалғандарды іздеуге облыс полициясының барлық жеке құрамы мен шекара маңы өңірлері жұмылдырылды, сондай-ақ, жедел қызметкерлер мен еріктілер қатарынан жедел-іздестіру тобы құрылды.

"25 қазанда кешке далада, жайылымдық жерден 20 шақырым жерде 1967 жылы туған ағайындылардың бірінің мәйіті табылды. Сот-медициналық сараптама нәтижесі бойынша өлім-жітімнің себебі суықтан болды", - деп түсіндірді Павлодар облысы полиция департаментінің баспасөз қызметі.

Келесі күні, 26 қазанда түстен кейін павлодарлық іздеушілер екінші жоғалған адамның қайтыс болғаны туралы хабарлады. Полиция бұл ақпаратты растады.

Полицейлердің мәліметінше, қаза тапқан адам Ақжол ауылынан 25 шақырым жерде даладан табылған.

"1985 жылы туған ер адамның денесі табылды, зорлық-зомбылық белгілері байқалмады. Сараптама тағайындалды", - деп атап өтті ведомствоның баспасөз қызметі.

Еріктілер мәйіттер бір-бірінен бірнеше шақырым жерде болғанын хабарлады. Ағайындылар далада адасып, суықтан қайтыс болды деген болжам бар. Полиция басқа нұсқаларды қарастырып жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!



Join Telegram