Семей қаласында пәтерде қамалып қалған 4 бала құтқарылды, деп хабарлайды Tengrinews.kz тілшісі Altaynews.kz сайтына сілтеме жасап.
Төрт баланың анасы дүкенге шығып кеткен. Пәтерде 2009, 2012, 2014 және 2016 жылғы бүлдіршіндер қалған. Дүкеннен үйге қайта оралған ана есікті аша алмаған. Ал бұзылып қалған құлыпты балалар да іштен аша алмапты.
"Семей қаласының құтқарушыларына балалардың пәтерде қамалып қалғаны туралы хабарлама келіп түсті. Аталған мекенжайға дереу жеткен қызметкерлер құлыпты сындырып, есікті ашты", - деді ШҚО-ның төтенше жағдай департаменті.
