Шығыс Қазақстанда мас зейнеткер полицейдің бетінен ұрды

29 Сәуір 2015, 18:32
0
Шығыс Қазақстанда мас зейнеткер полицейдің бетінен ұрды - © sobitie.com.ua
© sobitie.com.ua

Шығыс Қазақстанда мас зейнеткер полицейдің бетінен ұрды, - деп хабарлайды YK-news.kz Зырян аудандық сотының баспасөз қызметіне сілтеме жасап.

Порталдың мәліметінше, Зырянның 66 жастағы тұрғыны "Қазпошта" АҚ жергілікті бөлімінде мас күйінде отырып, келушілердің мазасын алған, сотқарлық жасап, адамдармен ұрсысқан. Осыған байланысты поштадағылардың біреуі полиция шақыртып, зейнеткер аудандық ішкі істер бөлімінің ғимаратына жеткізілді.

"Камераға отырғызылса да зейнеткер тынышталмай, темір тордың арғы жағынан қолын шығарып шұғыл кезекшінің көмекшісінің бетінен ұрды. Нәтижесінде, билік өкіліне күш көрсеткені үшін оның бас бостандығына бір жылға шектеу қойылды", - делінген жарияланымда.

Еске сала кетейік, осыған ұқсас оқиға биыл ақпан айында Қостанайда болды. Ол кезде мас адам "Рубеж" полицей бекетінде полицеймен төбелесіп, сотталды. Қостанай облысының Қарабалық аудандық соты 30 жастағы Кузьмичевке қатысты шешім шығарды. Ол ҚР Қылмыстық кодексінің 380-бабы "Билік өкiлiне қатысты күш қолдану" бойынша айыпты деп танылды. Оған бір жылға бас бостандығынан айыру жазасы кесілді, ол сол бір жылдың ішінде пробациялық бақылауда болады.

 

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай