Шымкентте жұмысшылар үйінді астында қалып қойды

09 Қараша, 12:26
0
Шымкентте жұмысшылар үйінді астында қалып қойды - Суреттер: ІІМ ТЖК баспасөз қызметі
Суреттер: ІІМ ТЖК баспасөз қызметі

Шымкентте қазаншұңқыр қазып жатқанда топырақ опырылып, екі жұмысшы үйінді астында қалды, - деп хабарлайды Tengrinews.kz тілшісі ІІМ ТЖК баспасөз қызметіне сілтеме жасап.

Қайғылы оқиға 8 қарашада Қаратау ауданының Нұрсат-3 шағын ауданында Назарбаев даңғылы бойында болды. Құтқарушылар пультіне хабар 20.54-те келіп түсті.

"ЮгСтройСервис-Н" ЖШС жұмысшылары жер қазып жатқанда топырақ опырылды. Жер астында 3 бірлік техника жүргізушілерімен бірге (1 тиегіш, 1 экскаватор және 1 каток) қалды. Қазаншұңқыр тереңдігі 20-25 метр, көлемі 37х37 метр", - деп хабарлады ТЖК өкілі.

Үйінді астында бірінші болып 1993 жылы туған ер адамды алып шықты. Оның жағдайы қанағаттанарлық деп бағаланды. Ал оның әріптестерін құтқара алмады. 1969 жылы туған ер адамның денесі 21.40-та табылды. Ал үшінші 1965 жылы туған жұмысшыны 22.49-ға дейін іздестірді. Жалпы іздестіру-құтқару жұмыстары 5 сағатқа созылды.

"Оқиға болған жерде Шымкент қаласы ТЖ департаментінің 40 қызметкері мен 11 техника жұмылдырылды. Операцияға полиция департаменті, жергілікті атқарушы органдар, жедел медициналық жәрдем қызметкерлері және ЖШС жұмысшылары қатысты", - делінген ведомство хабарламасында.

Получить короткую ссылку

Тегтер:

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай