"Астана" Чемпиондар лигасының матчында "Бенфика" клубынан жеңілді

16 Қыркүйек 2015, 03:57
0
"Астана" Чемпиондар лигасының матчында "Бенфика" клубынан жеңілді -

Елордалық "Астана" командасы Чемпиондар лигасының топтық кезеңінің матчында Португалияның"Бенфика" клубынан жеңілді. Лиссабонның  "Эштадиу да Луш" стадионында өткен кездесу 2:0 есебімен португалиялық клубтың пайдасына шешілді, - деп хабарлайды Vesti.kz.

Кездесудің бірінші жартысында басымдыққа алаң иелері ие болды. Алайда португалиялық клуб қауіпті сәтті тек 30-шы минутта ғана жасай білді, Жонас қазақстандық клубтың қақпасына допты дәл бағыттаған еді, Ненад Эрич соңғы сәтте оны қайтара білді. Екі клубтың да үзіліске дейін гол соғатын мүмкіндігі болды, алайда есеп ашылмады. 

"Бенфика" екінші таймның басында есеп ашты. 51-ші минутта аргентиналық Николас Гайтан көзге түсті. Ал тоғыз минут өткеннен кейін "Бенфика" форварды Константинос Митроглу есепті екі еселеді.

"Астана" Чемпиондар лигасының топтық кезеңіндегі келесі кездесуін 30 қыркүйекте "Астана Арена" стадионында "Галатасарайға" қарсы өткізеді.

Фото © AFP


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай