1. Басты
  2. Біл
  3. Спорт
  4. Футбол

"Астана" командасының Чемпиондар лигасының плей-офф кезеңіндегі қарсыласы анықталды

© РИА Новости © РИА Новости

Футболдан Қазақстанның қазіргі чемпилоны "Астана" клубы Чемпиондар лигасының плей-офф кезеңінде Кипр елінің АПОЕЛ клубымен ойнайды, - деп хабарлайды Tengrinews.kz тілшісі.

Бұл туралы Швейцарияның Ньон қаласындағы жеребе нәтижесінде белгілі болды. Он жеңімпаз команда Чемпиондар лигасының топтың кезеңіне шығады, ал жеңілгендер Еуропа лигасының топтық кезеңіне түседі.

Екінші квалификациялық раундта "Астана" словениялық "Марибор" командасын, кейін финнің ХИК командасын жеңді.

Айта кетейік, қазақстандық команда мен ХИК клубының қарымта кездесуі 5 тамызда Қазақстан астанасында өтті. "Астана Арена" стадионында өткен матчта жерлестеріміз 4:3 есебімен жеңіске жетті. Командалар арасындағы алғашқы ойын 0:0 есебімен аяқталған болатын. Осылайша "Астана" ФК Чемпиондар лигасының плей-офф кезеңіне шықты. 

Кездесулер 18-19 және 25-26 тамызда өтеді. Толығырақ мына жерден оқи аласыздар.