Криштиану Роналду екі баласының дүниеге келгенін ресми түрде растады

29 Маусым 2017, 11:21
0
Криштиану Роналду екі баласының дүниеге келгенін ресми түрде растады - © 24СМИ
© 24СМИ

Португалия құрамасы мен мадридтік "Реалдың" шабуылшысы Криштиану Роналду Конфедерация кубогының қарсаңында екі баласы дүниеге келгенін растады, - деп хабарлайды Sports.ru порталы.

Кеше Роналду Ресейде өтіп жатқан Конфедерация кубогының жартылай финалында Чили құрамасына қарсы ойнады. Ойынның негізгі және қосымша уақыттары 0:0 есебімен тең аяқталды. Сөйтіп, матч соңындағы пенальтиде Португалия құрамасы 3:0 есебімен жеңіліп, турнирдің финалына шыға алмады.

Осы ойыннан кейін Роналду келесі ойынға қатыспайтынын мәлімдеді. Сондай-ақ ол матчтан соң турнир алдында екі ұлының дүниеге келгенін хабарлады.

"Дүниеге екі ұлымның келгеніне қарамастан Ұлттық құрамамыздың Конфедерация кубогында сәтті өнер көрсетуі үшін бар күшімді салдым. Өкініштісі біз алдымызға қойған мақсатқа жете алмадық. Бірақ алдағы уақытта португалиялық жанкүйерлерді әлі талай қуантамыз деген сенімдемін.

Ойыннан кейін Португалия футбол федерациясының президенті мен құраманың бас бапкері маған жантебірентер сөз айтты. Бұл ешқашан менің есімнен шықпайтын шығар. Ұлдарыммен бірінші рет кездесетініме өте қуаныштымын", - делінген Роналдудың Фейсбукта жасаған мәлімдемесінде.

Мұның алдында Криштиану Роналду егіз баланың әкесі атанғанын, оған балаларды суррогат ана босанып бергенін Португалияның SIC телеарнасы хабарлаған болатын. БАҚ мәліметі бойынша, 8 маусымда дүниеге келген қыз бен ұлға Матео және Ева деген есімдер берілгені айтылған еді.

Ол кезде футболшының өзі және оның өкілдері бұған қатысты пікір білдірген жоқ. Алайда көптеген португал және испан БАҚ-тары осы жаңалықты таратып жатты.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай