"Барселона" капитаны Лионель Месси қорғаушы Жерар Пикемен жанжалдасты, - деп хабарлайды AS.
Оқиға "Барселонаның" таңғы жаттығуы кезінде болған. Футболшылардың бірі екіншісін жаттығу кезінде тым еркінсіп жүретінін айтқан, осыдан кейін екеуі бір-біріне дауыс көтерген.
Кейін футболшылардың ашуы қайтып, жағдай қалпына келген. Жаңа бас бапкер Энрике Сетьен келгелі "командадағы ішкі жағдай шиеленісіп бара жатқандай" деген ақпарат бар.
Әдетте Месси мен Пике алаңға шықпас бұрын команданы әрдайым рухтандыратын. Кейінгі екі ойында мұндай болмады.
