+7 (777) 001 44 99
ПОДЕЛИТЬСЯ
Журналист Жұлдыз Әбділда BizbenPodcast жобасының қонағы болды, - деп хабарлайды Tengrinews.kz тілшісі.
Ол әңгіме барысында журналист этикасы, коронавирусқа қатысты фейктер, журналистің қоғамдағы ролі туралы айтты.
Оның пікірінше, журналист бір партияға мүше болмауы керек.
"Мен көптеген петицияға қол қоямын. Тұрмыстағы зорлық туралы болған кезде қол қойдым. Өйткені, ол - жалпы қоғамға қатысты нәрсе. Ол - менің адам ретінде, азамат ретінде пікірім. Оған қарсымын деп қол қойдым. Не болмаса, белгілі бір тұлғаларға қысым жасалған кезде. (...) Ал енді адам құқығын ту еткен партиямыз десе де, мен оған кірмей, жеке адам ретінде кейбір бастамасын қолдай аламын. Бірақ мен ол партияға кірсем, сол ұйымның мүшесімін деген сөз", - деді Жұлдыз Әбділда.
Сонымен қатар, журналист Желіде тараған түрлі фейк туралы пікірін бөлісті. Ол "ауаны улап жатыр" деп байбалам салғандарға жауап берді.
Еске салайық, бұған дейін BizbenPodcast жобасының қонақтары фактчекер-журналист Думақ Смақов пен тележүргізуші, актриса Жұлдыз Абдукаримова, тіл маманы Назгүл Қожабек, файтер Арман Әшімов, спорт комментаторы Ермұхамед Мәулен мен әзілкеш Еркебұлан Мырзабек болған еді.
