Синоптиктер 2017 жылдың 10-12 қазан аралығында ауа райы қандай болатынын айтты, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
"Қазақстан территориясы алдағы үш тәулікте оңтүстік-батыстың шеткі антициклонының әсерінде болады. Сондықтан республикада жауын-шашынсыз ауа райы сақталады. Антициклонның артынан Алдыңғы Азиядан жылы ауа тарайды. Соның себебінен Қазақстанның батыс облыстарында жексенбіде ауа температурасы 3-6 градус нормадан жоғары болды, ал 11 қазанда жылу республиканың шеткі шығыс аймақтарына да жетеді", - делінген хабарламада.
