Синоптиктер 14-16 маусым күндеріне арналған ауа райы болжамын жария етті, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
Синоптиктердің мәліметінше, Қазақстанның басым бөлігінде жаңбыр жауып, найзағай ойнап, ауа райы тұрақсыз болады.
"Суық атмосфералық фронттардың әсерінен жел күшейіп, бұршақ жауады деп болжанады. Ауа температурасының ауытқуы сақталады. Батыс және солтүстік облыстарда температура нормадан төмен түсіп, оңтүстікте және шығыста 1...3 градус нормадан жоғары болады", - деді синоптиктер.
