ҚР Инвестициялар және даму министрлігінің Азаматтық авиация комитеті Алматы облысындағы ұшақ апатына қатысты тергеу аяқталғанша Як-12 ұшақтарын пайдалануды тоқтатты, - деп хабарлайды Tengrinews.kz тілшісі ведомствоның баспасөз қызметіне сілтеме жасап.
"Алматы облысының Панфилов ауданында "Қазавиа" ҰАК" ЖШС-ның Як-12 әуе кемесімен болған жағдайға байланысты ҚР ИДМ Азаматтық авиация комитеті тергеу толық аяқталғанша Қазақстан аумағында Як-12 ұшақтарын пайдалануды тоқтатады", - дейді комитет өкілдері.
Істі ҚР ИДМ-нің Көлік оқиғалары мен оқыс оқиғаларды тексеру департаменті тергейтіні айтылды.
Еске салайық, 27 шілдеде Як-12 ұшағының апатынан екі адам қаза болды. Ұшақ әуеден химиялық шашу жұмыстарын жүргізген.
