+7 (777) 001 44 99
ПОДЕЛИТЬСЯ
Парламент Сенатының депутаты Амангелді Төлемісов Премьер-министр Әлихан Смайыловқа сауал жолдады. Ұсынысқа еліміздің су айдындарының ластануының көптеген деректері себеп болды, - деп хабарлайды Tengrinews.kz тілшісі.
Парламент Сенатының депутаты Амангелді Төлемісов Премьер-министр Әлихан Смайыловқа сауал жолдады. Ұсынысқа еліміздің су айдындарының ластануының көптеген деректері себеп болды, - деп хабарлайды Tengrinews.kz тілшісі.
Мамандарға сілтеме жасаған сенатор тазартылмаған судың өзен-көлдерге ағуының негізгі себептерінің бірін атады. Тәртіп бұзушылар арасында өнеркәсіптік кәсіпорындар, тұрғын үй-коммуналдық шаруашылық, химиялық заттарды пайдаланатын ауыл шаруашылығы құрылымдары және басқа да субъектілер бар.
"Алматыдағы "Алтын Орда" базарының аумағында былтыр "Altyn Orda Qaz Trade Ltd" ЖШС-ін тексеру барысында шаруашылық-тұрмыстық қажеттіліктерге пайдаланылған су тарту құрылғысы анықталған еді. Базарда арнайы суды өлшейтін аспаптары да жоқ. Санитарлық-эпидемиологиялық қадағалау мамандары Ақсай өзеніне лас судың жоғарыда аты аталған кәсіпкерлік орнынан шыққандығы анықталды. Елімізде мұндай нысандардың тағы көбеймесіне кім кепіл", - деп сұрады Төлемісов.
Мәселені шешу үшін парламентаралық бақылаушы органдардың жұмысын жүйелі түрде тексеру арқылы заңбұзушыларды анықтап, заңды түрде реттеуді ұсынды.
"Су ресурстары комитетінің және оның су ресурстарын реттеу мен пайдалану жөніндегі бассейндік инспекцияларының штаттық санын көбейту қажет. Жеке және заңды тұлғалардың су ресурстарын пайдаланудағы жауапкершілік деңгейін жаңадан арттыру жолын қарастырған жөн", - деп қорытындылады сенатор.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
