Алматылық жол-патрульдік полицейлер қашан планшетке толықтай көшеді?

11 Қаңтар 2018, 12:39
0
Алматылық жол-патрульдік полицейлер қашан планшетке толықтай көшеді? -

Алматы ІІД әкімшілік полиция басқармасының басшысы Жандос Мұраталиев алматылық жол-патрульдік полицейлерінің қашан планшетке толықтай көшетіні жайлы брифингте айтып берді, - деп хабарлайды Tengrinews.kz тілшісі. 

"Өткен жылы тек 50 планшет сатып алдық. Биыл бюджетке осы мәселеге қаражат бөлу қарастырылған. Бірінші тоқсан барысында барлығына планшет алып береміз. 100 пайыздық өту болады", - деді Жандос Мұраталиев. 

Оның айтуынша, планшетті қолдану жақсы әсер берген, яғни тіркеу уақыты 30-45 минуттан 5 минутқа дейін қысқарған.

"Осы планшетте жүргізуші туралы барлық мәлімет болады, көлік туралы да және жүргізушінің іздеуде жүргені немесе жоғы да бар. Барлық мәлімет интеграцияланған, бірден республикалық базаға түседі және айыппұлды 5 минуттан соң төлей беруге болады", - деді ол. 

2017 жылы тамызда Алматы полицейлері жол қозғалысы ережесін бұзған жүргізушілерге планшет арқылы хаттама толтырылатыны айтылған. Оның қалай істейтіні жайлы мына жерден оқисыз. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай