Алматының Наурызбай ауданында сел қаупі болуы мүмкін деген ақпарат тарады. Tengrinews.kz редакциясына оқырмандардан құлақтандыру жүйесі іске қосылғаны туралы хабарламалар түсті. Төтенше жағдайлар министрлігі жағдайға қатысты түсініктеме берді.
Алматының Наурызбай ауданында сел қаупі болуы мүмкін деген ақпарат тарады. Tengrinews.kz редакциясына оқырмандардан құлақтандыру жүйесі іске қосылғаны туралы хабарламалар түсті. Төтенше жағдайлар министрлігі жағдайға қатысты түсініктеме берді.
Наурызбай ауданындағы құлақтандыру
Оқырмандардың айтуынша, құлақтандыру жүйесі арқылы сел қаупі туралы ескерту жасалған. Сондай-ақ жергілікті тұрғындардың ұялы телефондарына хабарламалар келе бастады. Осыған байланысты тұрғындар қазіргі жағдай туралы ақпаратты нақтылауға кірісті.
ТЖМ-нің ресми түсініктемесі
ТЖМ Алматының таулы аймақтарында болжанған нөсер жауынға байланысты сел жүру қаупі сақталып отырғанын хабарлады. Осыған байланысты Наурызбай ауданында құлақтандыру жүйесі расында жергілікті деңгейде іске қосылған.
"Халықты жедел хабардар ету мақсатында Наурызбай ауданында жергілікті құлақтандыру жүйесі іске қосылды. Бұл - тұрғындарға ақпаратты уақтылы жеткізуге бағытталған алдын алу шарасы. Сабыр сақтап, тек ресми ақпарат көздеріне сенулеріңізді сұраймыз", - деп хабарлады ТЖМ.
ТЖМ-нің барлық бөлімшесі, "Қазселденқорғау" және Алматы ТЖД азаматтық қорғау қызметтері күшейтілген режимде жұмыс істеп жатқаны атап өтілді. Жағдай тұрақты бақылауда, сел қаупі бар учаскелерге мониторинг жүргізіліп жатыр, құтқару бөлімшелері жедел әрекет етуге дайын.
Қауіпсіздік мақсатында құтқарушылар қала тұрғындары мен қонақтарына ауа райы тұрақталғанша Іле Алатауы тауларына барудан және демалудан уақытша бас тартуды ұсынды.
Еске сала кетейік, бұған дейін синоптиктер 1 шілдеде Алматыда найзағай ойнап, бұршақ, түнде нөсер жаңбыр жауатынын ескерткен болатын. Оңтүстік-батыстан соғатын желдің жылдамдығы 3-8 м/с, кей уақытта екпіні 15-20 м/с жетеді. Ауа температурасы түнде +20...+22 градус, күндіз +27...+29 градус болады.
Тағы оқыңыз: Қазақстанда ауа райы күрт өзгереді: синоптиктер ескерту жасады
45 градусқа дейін аптап: синоптиктер 2026 жылдың шілдесіне арналған болжамды нақтылады