+7 (777) 001 44 99
Қазақша
Русский
English
Қазақша
Русский
English
Қазақстанның құқық қорғау органдары Алматыдағы "Алтын Орда" базарының бұрынғы басшысы Данияр Әбдіғапаровқа іздеу жариялады, - деп хабарлайды Tengrinews.kz тілшісі.
qamqor.gov.kz құқықтық статистика сайтында Данияр Әбдіғапаровқа іздеу салынғаны туралы ақпарат пайда болды – ол бұрын Алматыдағы "Алтын Орда" базарының басшылығы құрамына кірген.
Скрин qamqor.gov.kz сайтынан – 2025 жылғы 26 мамыр
Неге іздестіріліп жатыр?
Әбдіғапаров қазіргі уақытта қандай құқықбұзушылық бойынша іздестіріліп жатқаны сайтта нақты көрсетілмеген. Іздеу жариялаған – ҚР Ішкі істер министрлігі, ал тергеп жатқан орган – Алматы облысы Қарасай ауданының полиция басқармасы.
Мән-жайы
2023 жылдың қаңтарында Әбдіғапаров базардың басқа да басшылары – Жұмадин Патов, Айдос Нұрқалиев және Қанат Жақаевпен бірге іздеуде болған.
Ол кезде Әбдіғапаров, Нұрқалиев, Патов және Жақаев алаяқтық жасады деген күдікке ілінгені хабарланған.
Бұған дейін базар сатушылары оларды бұрынғы әкімшілікке құрылыс сатысындағы павильоннан сауда орындарын алу үшін ірі көлемде ақша төлегенін, бірақ нысан аяқталмай, сауда орындарын да, ақшаларын да жоғалтқанын айтып шағымданған. Кейін базарға жаңа басшылық келген.
Бұрын Алматы облысының экс-әкімі Қанат Бозымбаев "Алтын Орда" базарында көші-қон заңнамасын қоса алғанда, бұзылмаған заң қалмағанын айтқан болатын. Оның айтуынша, базарда санитарлық талаптар мүлде сақталмайды, ал мигранттар тұратын көптеген жатақханалардан лас қалдықтар өзенге төгіледі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
