Жаңа теңге банкноттары неге кішірейді? Бұл сұраққа Ұлттық банк төрағасы Тимур Сүлейменов жауап берді, деп хабарлайды Tengrinews.kz тілшісі.
Жаңа теңге банкноттары неге кішірейді? Бұл сұраққа Ұлттық банк төрағасы Тимур Сүлейменов жауап берді, деп хабарлайды Tengrinews.kz тілшісі.
Сүлейменовтің айтуынша, жаңа купюралардың көлемі кең таралған халықаралық стандартқа жақындатылған.
"Олар әмиянға сыю үшін жасалды. Қазір бұл халықаралық стандартқа сай, мұндай банкноттарды пайдалану әлдеқайда ыңғайлы. Олар бұдан кейін тағы кішіреймейді", - деді Ұлттық банк басшысы.
Сондай-ақ журналистер банкнот көлемінің кішіреюі оны өндіру шығынын азайтуға мүмкіндік берді ме деп сұрады.
"Банкнот фабрикасына экскурсия ұйымдастыру керек, бұл өте қызықты өндіріс. Баспа табағы болады, бұрын одан шартты түрде 5 банкнот шығатын. Енді купюра көлемінің кішіреюі арқасында табақ толығымен дерлік - шамамен 90 пайыз пайдаланылады. Сондықтан үнемдеу бар. Бірақ нақты қанша екені жабық ақпарат", - деп жауап берді Сүлейменов.
Мән-жайы
Қазақстанда "Сақ стилі" сериясы аясында банкноттар кезең-кезеңімен жаңартылып жатыр. 2025 жылдың желтоқсанында айналымға номиналы 500 теңгелік жаңа купюра шығарылды. Банкноттардың жаппай түсуі 2026 жылдың екінші тоқсанында басталды. Ескі және жаңа купюралар 2027 жылдың 24 желтоқсанына дейін қатар айналымда болады.
2026 жылдың 25 маусымынан бастап 2012 жылғы үлгідегі номиналы 2000 теңгелік банкноттар төлем құралы болуын тоқтатты. Оларды банктер мен "Қазпошта" бөлімшелерінде 3 жыл ішінде, ал Ұлттық банк филиалдарында мерзімсіз айырбастауға болады.
2027 жылы Ұлттық банк номиналы 20 мың теңгелік жаңа банкнотты шығаруды жоспарлап отыр. Ол енгізілгеннен кейін "Сақ стилі" сериясындағы купюралар толығымен жаңартылады.
