Ан-2 ұшағын пайдалануға 2015 жылдың маусымына дейін рұқсат берілген

viewings icon comments icon

ПОДЕЛИТЬСЯ

whatsapp button telegram button facebook button
Апат орны. ©Тengrinews.kz Апат орны. ©Тengrinews.kz

Жамбыл облысында апатқа ұшыраған Ан-2 ұшағына ұшуларға 2015 жылдың маусым айына дейін рұқсат берілген, - деп хабарлайды Tengrinews.kz тілшісі ҚР Инвестициялар және даму министрлігі Азаматтық авиация комитетінің баспасөз қызметіне сілтеме жасап. Ан-2 ұшағы 20 қаңтар күні "Шатыркөл" кен орны ауданында апатқа ұшыраған болатын. 

whatsapp button telegram button facebook button copyLink button
Иконка комментария блок соц сети

Жамбыл облысында апатқа ұшыраған Ан-2 ұшағына ұшуларға 2015 жылдың маусым айына дейін рұқсат берілген, - деп хабарлайды Tengrinews.kz тілшісі ҚР Инвестициялар және даму министрлігі Азаматтық авиация комитетінің баспасөз қызметіне сілтеме жасап. Ан-2 ұшағы 20 қаңтар күні "Шатыркөл" кен орны ауданында апатқа ұшыраған болатын. 

Комитеттің мәліметінше, апатқа ұшыраған Ан-2 ұшағы 1973 жылдың 20 тамызы күні шығарылған. Пайдалануға берілген уақытынан бері ол 13 080 сағат ұшырылған, ұшақтың мұндай типі 20 мың сағаттан артық ұшырылмауы тиіс. "ҚР ИДМ Азаматтық авиация комитетінің инспекторлары әуе көлігіне 2014 жылдың маусым айында сертификациялық тексеру жүргізді. Тексерудің нәтижесінде ұшақ одан әрі ұшуларға жіберілді. Ан-2 ұшағының ұшу жарамдылығы сертификатының мерзімі 2015 жылдың 10 маусымына дейін. Компанияның авиация жұмыстарын орындау сертификаты 2017 жылдың 26 желтоқсанына дейін жарамды. Ұшақтың тіркеу нөмірі - UP-A0314 (сериялық № 1Г14970). Әуе кемесі 2009 жылдың 28 тамызы күні Мемлекеттік реестрге енгізілген", - делінген баспасөз қызметінің хабарламасында. 

Комитеттің мәліметінше, Ан-2 ұшағы апаты себептерін анықтау үшін үкіметтік комиссия құрылды. Оған Инвестициялар және даму министрінің бірінші орынбасары Жеңіс Қасымбек жетекшілік етеді. ҚР ІІМ мәліметінше, Шу станциясындағы желілік ішкі істер бөлімінің тергеушілері Жамбыл облысындағы әуе апаты дерегі бойынша "Қозғалыс қауіпсіздігі немесе әуе көлігін пайдалану ережелерін бұзу" бабымен сотқа дейінгі тергеу басталды. Іс ҚР Бас көлік прокуратурасының Жамбыл облысы бойынша арнайы прокуратурасына тергеуге берілді. 

 

Еске сала кетейік, Ан-2 ұшағы 20 қаңтар күні сағат 15.40 шамасында "Шатыркөл" кен орны ауданында апатқа ұшыраған еді. "Олимп Эйр" серіктестігіне тиесілі ұшақ Балқаштан кен орнына ұшып шыққан. Ұшақтың апатқа ұшырауына тұман себеп болуы мүмкін деген жорамал айтылды. Ұшақтың бортында жеті адам болды, оның үшеуі - экипаж мүшесі. 

Апат салдарынан "Қазақмыс" компаниясының үш қызметкері қайтыс болды: техникалық даму департаментінің директоры Төлеубаев, "Балқаштүстімет" ӨБ бас механигі Ыбыраев, осы өндірістік бірлестіктің техникалық және инвестициялық жоспарлау бөлімінің бастығы Есмағанбетова, сондай-ақ экипаж мүшелері түгел опат болды: Ан-2 командирі Клюшев, Ан-2 екінші пилоты Савельев және борт-механик Литвинов. Қарағанды облысының әкімдігі апат құрбандарын жерлеуді ұйымдастыруды өз мойнына алды және марқұмдардың туыстарына психологиялық көмек көрсететін болады. 

"Балқаштүстімет" ӨБ бас геологы Шаяхметова тірі қалды, оның жағдайы тұрақты ауыр деп бағаланды.  

Tengrinews
Читайте также
Join Telegram Последние новости
Лого TengriNews мобильная Лого TengriLife мобильная Лого TengriSport мобильная Лого TengriAuto мобильная Иконка меню мобильная
Иконка закрытия мобильного меню
Открыть TengriNews Открыть TengriLife Открыть TengriSport Открыть TengriAuto Открыть TengriTravel Открыть TengriEdu Открыть TengriGuide

Валюта бағамы

 498.57  course up  522.2  course up  5.46  course down

 

Ауа райы

 

Редакция Жарнама
Социальные сети
Иконка Instagram footer Иконка Telegram footer Иконка Vkontakte footer Иконка Facebook footer Иконка Twitter footer Иконка Youtube footer Иконка TikTok footer Иконка WhatsApp footer