Желіде мектепке қабылдау туралы өтініште "ана" мен "әке" сөздері "бірінші ата-ана" және "екінші ата-ана" болып ауыстырылды деген фейк тарады, - деп хабарлайды stopfake.kz.
Қазнет қолданушыларының айтуынша, биыл баланы мектепке қабылдау туралы өтініш нысанында "анасының ЖСН-ы" және "әкесінің ЖСН-ы" деп жазылатын жолдарға "бірінші ата-ананың ЖСН-ы" және "екінші ата-ананың ЖСН-ы" деп жазылған. Бұл - жалған ақпарат.
ҚР Білім және ғылым министрлігі бұл ақпаратты жоққа шығарды. Ведомствоның мәліметінше, баланы мектепке қабылдау туралы өтініште ата-анасының біреуінің ғана ЖСН-ін көрсету қажет.
"Ақпарат шындыққа жанаспайды. Ата-аналар нөмірленбеген. Құжаттарды толтыру кезінде бұрынғыдай "ата-ана" немесе "заңды өкіл" деп жазылады", - деп түсіндірді министрліктің баспасөз қызметі өкілі.
Демек, Қазақстанда "ана" мен "әке" сөздері "бірінші ата-ана" және "екінші ата-ана" сөздерімен ауыстырылатыны туралы ақпарат - фейк.
Сілтемесіз жаңалық оқисыз ба? Онда Telegram желісінде парақшамызға тіркеліңіз!