Нұрсұлтан Назарбаев бірқатар тағайындаулар өткізді, - деп хабарлайды Tengrinews.kz тілшісі Ақордаға сілтеме жасап.
Қазақстан Президенті "Астана" өңірлік қолбасшылығының жаңа қолбасшысы мен ҚР Қауіпсіздік Кеңесінің Ситуациялық орталығының орынбасарын тағайындады.
"Мемлекет басшысының тапсырысымен Қарақұлов Қайдар Самиғұлұлы "Астана" өңірлік қолбасшылығының жаңа қолбасшысы болып тағайындалды. Абдақасов Ерлан Сатыбайұлы ҚР Қауіпсіздік Кеңесінің Ситуациялық орталығының орынбасары болып тағайындалды", - делінген Ақорданың сайтында.
Сондай-ақ, Президенттің баспасөз қызметіндегілердің мәліметінше, Қамалетдинов Сұлтан Бүркітбайұлы басқа жұмысқа ауысуына байланысты "Астана" өңірлік қолбасшылығының қолбасшысы қызметінен босатылды.
