+7 (777) 001 44 99
ПОДЕЛИТЬСЯ
Алматының бас санитария дәрігері Жандарбек Бекшин коронавирустың дельта штамы алғаш анықталған адам вирусты қай жерде жұқтырғанын айтты, - деп хабарлайды Tengrinews.kz тілшісі.
Алматының бас санитария дәрігері Жандарбек Бекшин коронавирустың дельта штамы алғаш анықталған адам вирусты қай жерде жұқтырғанын айтты, - деп хабарлайды Tengrinews.kz тілшісі.
Алматыда коронавирус инфекциясының үнді штамы бірінші болып 38 жастағы әйелден анықталды. Кейінірек оның сегіз жастағы баласы да COVID-19-ның осындай түрін жұқтырғаны белгілі болды. Бекшиннің айтуынша, ол инфекцияны сауда дүкендерінде жүргенде жұқтырған.
"Әйел осы кезеңде пәтерін жөндеумен айналысқан. Құрылыс материалдарын сататын ірі дүкендерге барып жүргенде, мүмкін, инфекция жұқтырды (коронавирустың дельта штамы - автор). Ана мен баланың жағдайы қанағаттанарлық. Олар ауруханадан шығарылып, үйде дәрігерлердің бақылауында", - деді қаланың бас санитария дәрігері.
Бұған дейін Бекшин Алматыда коронавирустың төртінші толқыны келгенін мәлімдеді.
Еске салайық, Алматыдағы коронавирустың үнді штамы туралы алғашқы хабар 23 маусымда айтылды. Сол кезде қалада COVID-19-дың дельта штамы анықталған болуы мүмкін екені хабарланды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
