Еңбек және халықты әлеуметтік қорғау министрі Біржан Нұрымбетов қанша жалақы алатынын айтты, - деп хабарлайды Tengrinews.kz тілшісі.
"900 мың теңге жалақы аламын", - деді министр журналистердің сұрағына.
Еске салайық, Біржан Нұрымбетов бұл қызметке 2019 жылдың 20 тамызында тағайындалған еді.
Біржан Нұрымбетов - 1968 жылы 19 наурызда Жамбыл облысы Луговой ауданы Абай атындағы ұжымшарда туған. Қазақ. Анасы - Тұяқбаева Тамара Әлімқызы, зейнеткер, ауылдық орта мектепте математика мұғалімі болған. Әл-Фараби атындағы Қазақ мемлекеттік ұлттық университетінің "Механика және қолданбалы математика" факультетін (1993) механик, математик-қолданбашы мамандығы бойынша; Алматы экономика және статистика академиясының "Қаржы" факультетін (2006) қаржы мамандығы бойынша бітірген.