+7 (777) 001 44 99
Қазақша
Русский
English
Қазақша
Русский
English
Премьер-министрдің орынбасары Қанат Бозымбаев 25 желтоқсанда Ақтау маңында апатқа ұшыраған Azerbaijan Airlines (AZAL) әуе компаниясы ұшағының "қара жәшігіндегі" жазбаның интернетте таралуына қатысты пікір білдірді, - деп хабарлайды Tengrinews.kz тілшісі.
Вице-премьердің айтуынша, жазбаны ашуға қазақстандық, ресейлік, әзербайжандық және бразилиялық сарапшылар қатысқан.
"Барлығы тең қолжетімділікке ие болды. Мен ("шығып кеткен" жазбаны – еск.) тыңдадым – бұл негізінен жермен жүргізілген келіссөздер сияқты. Мен экипаж мүшелерінің арасындағы келіссөздерді естіген жоқпын. "Қара жәшікте" капитан, ұшқыш және экипаж мүшелерінің жүргізген барлық келіссөздері бар. Онда сәл көбірек ақпарат бар. Осыған сүйене отырып, бұл біздің тергеу тобымыздан шыққан ақпарат деп есептемеймін", – деді вице-премьер.
Бозымбаевтың айтуынша, желіде тараған жазба "қара жәшіктердегі" мазмұннан айтарлықтай ерекшеленеді.
"Егер оны "қара жәшіктердің" жазбасы ретінде қарастырмасақ, "ақпараттың тарау" көзін не үшін іздейміз? Интернетте біреу бірдеңе жариялағаны, бұл шындық дегенді білдірмейді. Жарияланған жазба мен нақты жазбаның айырмашылығы үлкен. Сондықтан ресми дереккөздерді күтіңіздер", – деді ол.
Вице-премьердің айтуынша, ұшақтың "қара жәшіктері" қазір тергеу тобында.
"Ұшақ сынықтары Ақтаудағы ангарда сақталған, оларды тиісті халықаралық сарапшылар тексерді, олар өз қорытындыларын береді. Жазбаны ашу материалдары авиациялық оқиғаны, оның ішінде оқиғаның қашан және қалай болғанын, экипаждың кәсіби немесе кәсіби емес әрекеттерін, жерден қандай командалар берілгенін зерттейтін басқа топтың қолында. Осы материалдар жарияланған соң, көптеген қаңқу сөздерге нүкте қойылады деп ойлаймын", – деп түсіндірді Бозымбаев.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
