Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.58
EUR / KZT - 390.38
CNY / KZT - 49.85
RUB / KZT - 5.63

Бұл бұзылған автомобильдің даусы болған - Абаев Ақтөбедегі балалар лагеріне оқу ату туралы ақпарат жөнінде

08 Маусым 2016, 18:00
0
© Тұрар Қазанғапов
© Тұрар Қазанғапов

ҚР ақпарат және коммуникация министрі Дәурен Абаев Ақтөбедегі балалар лагеріне оқу ату туралы ақпаратты түсіндірді, - деп хабарлайды Tengrinews.kz тілшісі.

"Ақпарат құралдарында Ақтөбедегі балалар лагеріне оқу ату туралы жарияланған ақпаратты түсіндіргім келеді", - деп бастады сөзін министр Facebook әлеуметтік желідегі парақшасындағы хабарламада.

"Оқиға былай болды. Бірінші. Бүгін Ақтөбедегі аудандардың бірінің тұрғындары полицияға хабарласып, атысқа ұқсас дыбыстың естілгенін хабарлайды. Қазір еліміздің, әсіресе Ақтөбе тұрғындары қырағылық танытып, қарулы күштер құрылымының жұмысына көмектесіп жатыр. Контртеррорлық операция кезінде азаматтардан түскен кез келген хабарламаға құқық қорғау органдары жедел әрекет танытады. Сонымен қатар, ол туралы ақпарат жедел түрде елдің басшылығына жеткізіледі. Дәл осы сәт камераға түсіріліп, Мемлекет басшысының және ҰҚК төрағасының қатысуымен өткен сюжетке енгізіліпті. Екінші. Сол кезде оқиға орнына жеткен жедел топ атыстың болмағанын анықтады. Бұл жәй ғана бұзылған автомобильдің даусы болып шықты", - деді Абаев.

Ол мұндай жағдайдың Павлодарда да болғанын айта кетті.

"Екі ақпараттың таратылған уақыт айырмашылығы 40 минут болған. Мұндай деректі тексеруге осыншама уақыттың кететіні сөзсіз. Сондықтан да әріптес-журналистерге мемлекеттік органдардан түскен хабарламаны тарататын кезде мұқият болуға шақырамын. Барлығы қателеседі. Біз өз тарапымыздан БАҚ өкілдеріне халыққа ақпаратты жеткізу үшін ары қарай қолдау көрсетеміз", - деді министр.

Сөз соңында ол қазақстандықтарға құқық қорғау органдарының жұмыстарына көмек көрсеткені үшін алғыс айтты.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай