Денис Теннің өлімі бойынша ұсталған адам жайлы не білеміз?

27 Шілде, 12:08
0

Денис Теннің өлімі бойынша істе қамауға алынған үшінші адам қыз болып шықты, - деп хабарлайды  Tengrinews.kz тілшісі Алматы сотына сілтеме жасап.

Оның есімі Жанар Толыбаева. Оны қамау туралы шешім 25 шілдеде шыққан.

Ал мұның алдында ҚР бас прокурорының орынбасары Марат Ахметжанов брифинг барысында іс бойынша үшінші күдіктінің қамауға алынғанын хабарлаған еді. Оның айтуынша, ұсталған адам қылмыс туралы хабарламағаны үшін айыпталып жатыр. 

"Дәлел жеткілікті, оның заңдылығын прокурор тексеріп жатыр. Сот бұлтартпау шарасы ретінде қамауға алу туралы шешім қабылдады", - деді Марат Ахметжанов Орталық коммуникациялар қызметінің брифингі барысында. 

Сондай-ақ, ол екі бап бойынша қылмыстық іс қозғалғанын хабарлады: "Адамдар тобымен пайдакүнемдік ниетпен адам өлтіру" және "Адамдар тобымен пайдакүнемдік ниетпен жасалған қарақшылық".

Мұның алдында Денис Теннің өлімі бойынша істе екі күдіктінің ұсталғаны хабарланған болатын. Оның бірі - Қызылорда облысының тумасы, 1994 жылғы  Құдайбергенов Арман Бурибаевич, екіншісі - Жамбыл облысының тумасы, 1994 жылғы Қиясов Нұралы Дәулетбекұлы.

Еске салайық, 19 шілдеде Алматыда белгісіз біреулер Денис Тенді пышақтап кеткен болатын. Оқиға шамамен 15.00-де Құрманғазы мен Байсейітова көшелерінің қиылысында болған. Кейін қалалық ІІД өкілдері Денис Тенге автоұрылар шабуыл жасағанын мәлімдеді. Сөйтсек, спортшы ұрылардың үстінен түскен болып шықты. Жанжал кезінде спортшының аяғына пышақ тиіп, көп қан жоғалтқан. Ол ауруханада көз жұмды.

Получить короткую ссылку


Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай