Сингапурде өтіп жатқан Бүкіләлемдік сәулет фестивалінің қорытындысында 2015 жылдың ең үздік архитектуралық жобалары белгілі болды. Аталмыш фестивальдің "Дін" аталымы бойынша Доха (Катар) қаласындағы мешіт жеңімпаз деп танылды. Бұл туралы Muftyat.kz басылымы хабарлады.
Ерекше үлгіде салынған ғимараттан екі жолақ созылып келіп мұнараға айналып кетеді. Биіктіктері 90 метр болатын қос мұнара құбылаға қарай бағытталған. Мешіт сыйымдылығы 1 800 адамға арналған. Ішінде дәрісханалар мен кітапхана да орналасқан.
