Шымкент пен Ақтөбе облысы коронавирус таралуы бойынша "қызыл" аймақтан шықты, - деп хабарлайды Tengrinews.kz тілшісі.
30 сәуірдегі жағдай бойынша Қазақстан аймақтарындағы эпидемиологиялық жағдайды бағалау матрицасына сәйкес, Нұр-Сұлтан, Алматы және Ақмола, Атырау, Батыс Қазақстан, Қарағанды, Қызылорда, Павлодар облыстары "қызыл" аймақта.
"Сары" аймақта алты өңір бар: Шымкент, Ақтөбе, Шығыс Қазақстан, Жамбыл, Маңғыстау, Алматы облыстары.
Ал "жасыл" аймаққа үш өңір кіреді - Түркістан, Қостанай және Солтүстік Қазақстан облыстары.
Еске салайық, кейінгі тәулікте Қазақстанда 2853 адамнан коронавирус анықталған болатын. Елде вирус жұқтырғандар саны 319 818-ге жетті.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!